Општинска смотра рецитаторох отримана 14. марца у Крущичу. На смотри участвовали осмеро рецитаторе зоз нашей школи, од хторих аж седмеро освоєли пласман на зонску смотру. У младшим возросту Милена Рамач освоєла треце место, док ше Ема Венґрин тиж пласовала на дальше змаганє. У тим возросту рецитовал и Никола Петкович. У штреднїм возросту Ема Живкович була найлєпша рецитаторка у општини, а Яна Варґа завжала треце место. Пласман на зону виборел и Исак Новта. У старшим возросту треца була Валентина Новта, а на зонскей смотри нас будзе представяц и Минеа Югас. Шицким рецитатором винчуєме и жадаме успишни наступ на зонскей смотри рецитаторох, хтора будзе отримана 26. и 27. марца у Бачу.