Основна школа

Основна школа „Петро Кузмяк

Основна школа на руским язику у Руским Керестуре ма традицию длугоку 260. роки. Нєшка ше находзи у новим будинку на Русинскей улїци, число 63, котри опремени зоз богатима можлївосцами за воспитанє и образованє нових ґенерацийох.

Процес преношеня знаньох, схопносцох и звикнуцох младим ґенерацийом ше каждодньово розвива и меня, и ми ше намагаме буц у цеку провадзаци го зоз иновациями котри ноши дух нашого часу. Наставни и звонка наставни активносци ше окончую у добре опремених кабинетох, учальньох, лабораторийох, фискултурней сали або и у библиотеки. Каждого року ше намагаме надбудовац постояци условия и полєпшовац их уводзаци нови наставни средства и технолоґиї, алє тиж и затримац тото цо ше указало як успишне прешлих рокох.