Туристични технїчар

Туристични технїчар

Штредня фахова школа за напрям туристичного технїчара нєшка єден популарни напрям. Кед сце особа котра свою будучносц видзи у туризме и погосцительстве, тот напрям то тото цо бисце требали уписац после законченей основней школи.

Прецо ше школовац у нас на напряму туристични технїчар: 

– Такой после основней школи ше пририхтуєце за вашу будуцу професию. Нашо професоре у догварки о сотрудзованю зоз локалну управу и рижнима орґанизациями, дзе будзеце правиц перши крочаї у туризме и погосцительстве.

– Школа орґанизує рижни едукативни путованя, од котрих велї буду, як цо и по тераз були, по ценох котри прилагодзени просековей „кишенки”.

– Постоя штири учальнї зоз рахункарами дзе ше отримує сучасна настава котра вас порихта за тарґовище роботи 21. вику.

– Школа добре покрита зоз безплатним Wireless интернет сиґналом.

– У составе будинку школи ше находзи интернат, дзе школяром, кед рано станю, по школу треба направиц лєм даскельо крочаї.

– Достанєце нови знаня зоз обласцох котри сце до тераз мало познали, то знаня зоз маркетинґу, водзеня аґенциї, готелу, основох економиї, туризму, ґеоґрафиї, историї уметносци.

– Руски Керестур, як и його школа, безпечни валалски штредок, дзе омладина може мац фoкус на ученю. Валал добре повязани зоз автобускима линиями з другима местами, а ту и вигодни и добре опремени Дом школярох котри може ище баржей олєгчац школованє, як школяром, так и родичом.