Ґимназия общого наприяму  -Петро Кузмяк-

Специфичносц ґимназиї у Керестуре у тим же ше наставу може слухац на руским и на сербским язику. Пре тото наша школа уникатна и єдина на цалим швеце. Заш лєм найважнєйше питанє кед ше бешедує о даєдней школи то:

Прецо ше уписац праве до тей школи?

Одвит на тото питанє можу дац и вельо успишни ґенерациї котри зме уж образовали и котри мали високу преходносц у дальшим школованю.

Ми можеме повесц же ґимназия дава широки обсяг знаньох зоз котрима ше идзе порихтани на дальше школованє, алє то нє шицко:

  • Кабинети за науку нам квалитетно опремени, намагаме ше тримац крочай зоз сучаснима технолоґиями и задовольовац интересованя наших школярох и їх родичох.
  • Того року реновирана спортска гала у котрей ше школяре стараю о своїм физичним здравю, а школяре цо жию у Дому школярох, у шлєбодним чаше, маю можлївосц участвованя у спортских секицийох.
  • Постоя штири учальнї зоз компютерами дзе ше достава адекватни знаня зоз информацийних технолоґиох.
  • Школа добре покрита зоз безплатним Wireless интернет сиґналом.
  • Фонт школскей библиотеки ше каждого року преширює, а затераз ма вецей як 6500 кнїжки.
  • У составе будинку школи ше находзи интернат, дзе школяром, кед рано станю, по школу треба направиц лєм даскельо крочаї.
  • За найлєшпших школярох руских одзелєньох Национални совит каждого року видвоює пенєжни стипендиї, а тиш помага коло финансованя пребуваня у Дому школярох.
  • Руски Керестур, як и його школа, то безпечни валалски штредок, дзе омладина може мац фoкус на ученю. Валал добре повязани зоз автобускима линиями з другима местами, а вигодни и добре опремени Дом школярох може ище баржей олєгчац школованє, як школяром, так и родичом.