През проєкт „Унапредзени ровноправни приступ и закончованє предуниверзитетского образованя за дзеци котрим потребна додатна образовна потримовка – Учме шицки вєдно“ реализация зоз Центром за интерактивну педаґоґию, УНИЦЕФОМ и Министерством просвити, наша школа постава єдна од шейсц школох у Сербиї кандидат за модел установи за инклузивне образованє.
Визия нашей школи же бизме постали модел школа котру мож препознац по ориґиналносци, медзинародним сотруднїцтву, практичносци, применьованю, инклузиї и иновативносци и константним фаховим усовершованю, як и же бизме були лидере у виполньованю цильох отримуюцого розвою у нашей школи и ширшим окруженю.
Циль проєкта успоставянє функционованя школи як модела установи за инклузивне образованє през инкорпорованє инклузивней и иновативней пракси у наставней и звонканаставней активносци школи и оможлївйованю розвиваня школярох зоз їх потенциялами и интересованями у безпечним иинспиративним окруженю.
Обчековани резултати тоти же ше инклузивна и иновативна пракса нашей школи континуирано предлужи розвивац и унапредзовац, прето же ше през проєкт обчекує же наставнїки подзвигню свойо компетенциї у обласци инклузиї и иновацийох на висши уровень. Тиж так обчекуєме же постанєме модел установа за инклузивне образованє и же наша инклузивна и иновативна пракса постанє видлїва у локалней заєднїци през промовованє школи у систему образованя и воспитаня, а и ширше, през горизонталне ученє и менторску потримовку другим школом.
Плановани активносци за наставнїкох, школярох и родичох, як и уключованє локалней заєднїци и релевантних институцийох.