Шицки наградзени образовни установи у рамикох програми „За чистейши и желєнши школи Войводини”, медзи хторима и наша школа, достали, окрем вилєту за школярох и можлївосц участвованя єдного представнїка на семинару.
Семинар отримани соботу и нєдзелю, 18. – 19. 9. 2021. У „Еколоґийним центру Радуловачки” у Сримских Карловцох. На семинару участвовала и наставнїца зоз нашей школи.
Змист семинару творели преподаваня, роботнї, експерименти, а тиж и шлєбодни час хтори послужел учашнїком за упознаванє зоз местом, воженє по Дунаю и препровадзованє часу у природи.
Теми преподаваньох вязани за „Пременки клими” и „Жридла енерґиї котри ше обновюю”. Єдна зоз найинтересантнєйших роботньох отримана у „Дворскей заградки” дзе учашнїки дознали дацо вецей о ефекту склєняней загради и циклусу углєнїку.
Семинар закончени зоз стихами Д. Радовича: „На концу шицких концох вше єден нови початок” и наздаваньом учашнїкох же ше знова стретню у тей приємней и вше добре орґанизованей атмосфери. Домашнї достали шицки похвали, а учашнїки дипломи за участвованє на семинару.