Школяре ґимназиї и туристичних наприямох ”Петро Кузмяк”зоз Руского Керетура нащивели нєшка у провадзеню професора Научно-технолошки парк Беоґрад. Школяре ше упознали зоз роботу Парка, услугами и програму наменєну младим у цилю розвою технолошкого поднїмательства и стартапа, а школяром представени и иновациї котри розвиваю компаниї члени НТП Беоґрад. Стартап УрбиҐо представел свою мудру заграду, а презентовани им и 3Д штампач хтори виволал найвекше интересованє школярох будуци же мали порихтани модели же би их виробели на тим штампачу. Тиж так, упознали ше зоз иновацию стартапа Пирате арт хтори прави уникатни естетски облоги за особи зоз инвалидитетом, праве прейґ технолоґиї 3Д штампи. После того, школяре зоз професорами нащивали зґраду Владе Сербиї.