Всоботу у Беоґрадзе отримана Виборна скупштина Федерациї Клубох за Унеско Сербиї на котрей означени 20 роки роботи у виполньованю поставених цильох у образовно-воспитней системи школох и школярох, на котрей участвовала и наша школа. Шветочна скупштина започала зоз поздравну бешеду предсидательки Федерациї Унеско Клубох Сербиї, мр Милици Дромнякович. После того було представянє дзепоєдних Клубох и їх активносцох, приказани нови веб бок и лоґо Клуба, а потим було упознаванє зоз напрямками роботи и представянє програми роботи у шлїдуюцим школским року. Тиж так указане и на нови можлївосци повязованя сотруднїкох у виполньованю планованих активносцох.