Прешлого тижня у 4б оддзелєню наставнїци Валентина Русковски и Єлена Шомодї отримали годзину зоз роботню на тему еколоґийного купованя и еколоґийней култури. Школяре ше упознали зоз шпорованьом енерґиї и яки апарати треба куповац до обисца, хтори грушочки лєпши, шпоровни чи класични, цо лєпше хасновац, пластични кеси чи платново ташки, яки то гибридни авта, цо то енерґетски налїпки и налїпки енерґетскей гвиздочки. Здобуте знанє на тей годзини було и преверене през кратки Kahoot квиз и бависко меморийних карточкох.