У рамику предмета Применєни науки, зоз виучованьом теми Цеплотна изолация, школяре II-1 и II-2 оддзелєня, зоз своїма наставнїцами, Валентину Русковски и Ясминку Надь, нащивели Етно хижу у Руским Керестуре. На тот способ ше упознали зоз материялами од котрих вибудована хижа и од якей значносци були у цеплотней изолациї хижи. Годзини ше придружели и школяре III-1 оддзелєня и наставнїк историї, Деян Бучко, котри школяром потолковал историйну значносц хижи и способ будованя. Тиж так их упознал зоз розпорядком просторийох и їх значеньом.