Пияток, 4. фебруара, до нашей школи пришол руководитель сектора за фахове усовершованє и напредованє у званю у Центре за професионални розвой занятих у образованю, Драґан Ракита, хтори пришол зоз Завода за унапредзованє образованя и воспитаня, же би додзелєл першу награду Люпки Малацко хтору вона достала на конкурсу „Дознали зме на семинару, применєли у пракси” за 2021. рок.

Наша наставнїца руского язика у Ґимназиї, Люпка Малацко, дзекуюци прейдзеней обуки о виробку електронских новинкох, вєдно зоз школярами зоз домашнїх задаткох направени три Школярски кухарки. У єдней часци виробку кухаркох ше єй приключела наставнїца биолоґиї, Тереза Катона, хтора обучела школярох же би вираховали калорийну вредносц свойого єдла и тот податок бул состойна часц тих кухаркох. Тота робота достала першу награду на конкурсу „Дознали зме на семинару, применєли у пракси”.

Хто жада опатриц, линки у прилогу.
https://anyflip.com/nbnno/mfwx/
https://anyflip.com/nbnno/pbbu/
https://anyflip.com/nbnno/hoeh/