З нагоди означованя Шветового дня защити животного штредку, а у рамикох проєкту „Еко куцик”, наставнїца Кристина Молнар орґанизовала шпацир зоз своїм оддзелєньом. Шветови дзень защити животного штредку ше означує 5. юния, а Vб оддзелєнє ше зоз свою класну Кристину на базену дружело пондзелок, 7. юния.

После зазначеней заєднїцкей фотоґрафиї, рушело ше коло брани, та назад на базен, дзе ше шицки вєдно нафриштиковали и ошвижели зоз домашнїм соком од вишнї, же би могли предлужиц зоз наиходзацима активносцами. Друженє ше предлужело през бависко на вибиванки, а було дакус и одбойки. Нїкому ше нє ишло дому, алє класна гварела же „Школа нас вола” (прето же бул роботни дзень и требало ище сцигнуц и на наставу). Зазначела ше ище єдна фотоґрафия, ґрупни поздрав, та ше и активносц приведло ґу концу.

През плановани активносци, школяре розвиваю свидомосц о значносци природи и єй очуваню. Розвиваю медзилюдски одношеня, одвичательносц (през самостойне рихтанє торбички, фриштику, води, по приходзенє на догварене место на час, як и почитованє догварки з оддзелєньом). Єдна часц догварки була же би школяре до шпациру пришли без мобилних телефонох и тото реализоване 100%.

Шицки родичи потримали активносц, а реализованю истей ше дзепоєдни и придружели – Ваня Чизмар, Соня Рац, Мария Колошняї, а пожадац щешлїве друженє на базен пришла педаґоґа школи Мария Шанта.