Школска слава Святи Сава означена у школи „Петро Кузмјак“. Того року орґанизация була кущик иншака як иншак. Понеже то бул роботни нєнаставни дзень у школи були орґанизовани роботнї зоз математики, страних язикох и кариєрного водзеня.

Наставнїци математики Тат`яна Бучко-Рац, Леона Сабо и Оливера Винаї порихтали роботнї зоз математичним лоґичним бависком Лоджифейс (Logiface).

Наставнїци страних язикох Сашка Спасич, Андреа Бучко и Александра Шевич порихтали интересантни квизи на рижнородни теми.

Наставнїца биолоґиї, Тереза Катона и директорка школи Наталия Будински порихтали роботню „Билингвални СТЕМ жени науковци“.

После того актив мацеринских язикох порихтал кратку конферансу на хторей участвовали школяре штреднєй школи. Директорка школи винчовала славу  присутним наставнїком и школяром, а вироучитель, Желько Кежич порихтал кратки филм о живоце Святого Сави, а потим представителє сербскей православней церквивєдно зоз управу школи и зоз о. Шантом преламали и пошвецели хлєб.

Роботни дзень и шицки активносци орґанизовани по преписаних епидемиолоґийних мирох.