Основна и штредня школа зоз домом школярох „ПетроКузмяк“ достала нове ошвиценє. Шицки лустери заменєни зоз новим ЛЕД ошвиценьом, зоз хторим  ше електричну енерґию ушпорує рочнє за 70 посто.

Предсидатель општини Кула Дамян Милянич гварел же то сучасне ЛЕД ошвиценє и же заменєне коло 470 лустери и же то коло 70 посто ушпорована електрична енерґия и значно ше защици  животни штредок.

– Вкупна инвестиция скоро 6 милиони динари, од того 2 милиони динари обезпечела ликална самоуправа, а остаток обезпечени зоз Покраїнского секретарияту за енерґетику, гварел предсидатель Милянич.

Вон гварел же нарок догварени преход греяня  на ґаз, з чим ше додатно зменшаю трошки енерґиї  и зоз тим ше и защицує животни штредок.

Директорка школи, Наталия Будински, визначела же то значни проєкт за саму школу.

-Комплетно заменєне ошвиценє, хторе першенствено зменшує трошки, а и крашнє випатра, гварела директорка Будински. Вона додала же плани єст досц и же ше наздава же будзе добрей дзеки и средства за реализацию.