Єшеньски крос у тим школским року отримани на дакус иншаки способ, пре епидемиолоґийну ситуацию и предвидзени мири защити.
01.10.2020. отримани єшеньски крос за школярох од пиятей по осму класу, у лєшику, у пополадньовей змени. Шицки школяре висших класох основней школи вжали учасц на кросу, так же вон успишно закончени зоз додзельованьом дипломох и наградох за найшвидших школярох.
09.10.2020. крос отримани и за школярох од першей по штварту класу основней школи, у предполадньовей змени. Младши основношколци бежали у школским дворе, на отворених спортских теренох. Крос за младших тиж успишно орґанизовани, а найшвидши школяре наградзени з дипломами и сладкима дарунками.
29.10.2020. конєчно отримани и крос за штредньошколцох, тиж так у школским дворе, а нє у лєшику як плановане, пре хвилю хтора була досц нєстабилна. Учасц вжали шицки оддзелєня штреднєй школи, починаюци од матурантох та по перши класи. Найуспишнєйшим школяром додзелєни дипломи и награди, так же и тот треци крос успишно приведзени до конца. Отримани є тиж у предполадньовей змени.
Звит пририхтала:
Саня Тиркайла, професорка физичного воспитаня