У рамикох Дзецинского тижня, хтори почал вчера, у керестурскей дзецинскей заградки „Цицибан” ПУ „Бамби” з Кули вчера орґанизоване друженє дзецох предшколских ґрупох и штредньошколцох з Дому школярох керестурскей Школи „Петро Кузмяк”.

Пре лєпше медзи ґенерацийне комуникованє, наймладши и найстарши школяре ше вєдно бавели, а з паперових дланьох виробели и древо приятельства, вєдно з виховательками Емилию Костич и Ксению Вучкович Штредньошколцох на тим стретнуцу провадзела педаґоґиня Любица Няради.

Школяре на концу нащивели и рапухох з других воспитних ґрупох у цалодньовим пребуваню и з нїма препровадзели приємни хвильки у бавеню.05

Нєшка, други дзень Дзецинского тижня, у Школи за школярох нїзших класох будзе заєднїцки квиз з математики медзи домашнїма и школярами з Коцура, перши класи нащивя дзецинску заградку, а члени школярского парламенту буду мац стретнуце з родичами и дзецми о новинарстве.

У керестурскей дзецинскей заградки тиж плановани рижни активносци у векшини воспитних ґрупох – упознаванє дзецох швета, заєднїцки роботнї з родичами, та  подобово активносци.