Дня 13. и 14. априла 2021. жири у составе Миодраґ Петрович, Ана Лесковац, Каталин Фазекаш и Амалия Ковач послухал вєдно 116 знїмки рецитованя и принєсол одлуку же би ше на Покраїнску смотру рецитаторох пласовали 14 рецитаторе у младшим возросту, 15 рецитаторе зоз стреднього возросту и 17 рецитаторе зоз старшого возросту. Медзи рецитаторами хтори освоєли пласман на покраїнске змаганє и пецеро школяре зоз керестурскей школи и то Доротеа Рамач и Исак Новта у младшим возросту, Ема Живкович и Иван Планчак зоз стреднього возросту и школярка ґимназиї Валентина Новта у старшим возросту. Рецитаторох пририхтали Наталия Зазуляк, Оленка Живкович и Ивана Дудаш.