Основна и штредня школа зоз домом школярох „Петро Кузмяк” з Руского Керестура 22. новембра по першираз була домашня змаганю за дзивчата под назву „Моя иновация за мою заєднїцу”, дзе школярки седмих и осмих класох представели проблеми зоз свойого окруженя и можлїви решеня за нїх, на основу знаня котре маю з природних наукох и математики.

На змаганю участвовали 12 тими котри творели по 3 дзивчата зоз школох з Руского Керестура, Червинки, Кули, Лалитю и Каравукова.

Тот проєкт потримани з боку International woman club-у з Беоґраду котри за першопласовани и другопласовани тими, найлєпши по одлуки фахового жирия, обезпечел ваучери.