У рамику Еразмус+ програми „Отримуюци розвой” учашнїки нащивели  шведску амбасаду у Беоґрадзе. Щиро их привитали заменїца амбасадорки Елен Сведенмарк зоз своїма сотруднїцами. 

У нащиви амбасади школяре мали нагоду бешедовац зоз панї Сведенмарк о програми, упечаткох и искуствох на тим проєкту, як и лєпше ше упознац зоз роботу амбасади и єй значносци у розвою добрих одношеньох медзи двома жемами. Замениїца амбасадорки у бешеди наглашела же школяре под час того проєкту, кажде на свой способ, бул амбасадор своїх жемох и визначела значносц таких черанкох.

Директорка школи Наталия Будински представела активносци зоз котрима ше школа занїма як и єй значносц за руску националну заєднїцу, а представителє амбасади наявели нащиву нашей школи пре потримовку у роботи и установйованьом нових сотруднїцтвох.

После нащиви амбасади, у рамику програми нащивели зме и Авалску турню, як и Калемеґдан дзе акцент бул на природним локалитету — улїву Сави до Дунаю.