🏡🌳Успишно реализована шейсцдньова настава у природи на Ґучеву за IVa и IVб виполнєна з новима знанями, друженьом и рижнима памятками. Школяре, вєдно зоз свою учительку Наду Колошняї и учительом Марком Новаковичом, мали нагоду упознац красоти горского краю, як и способ живота людзох у прешлосци.

🏘️Нащивели манастир Троношу, родну хижу Вука Караджича у Тршичу, Баню Ковилячу, Сунчану реку, город Лозницу, та рику Дрину. Окремни упечаток зохабел вилєт на Чарни верх на Ґучеву и нащива памятнїка зоз Першей шветовей войни.

Час бул виполнєти зоз бависком, друженьом, тематскима вечерами и интересантнима активносцами котри орґанизовали креативни рекреаторе. Зоз настави у природи врацели зме ше богатши за нови искуства, позитивну енерґию и найкрасши памятки.✅☺️