Пондзелок, 3. фебруара, по першираз у нашей школи преславени китайски Нови рок. Школяре и заняти у школи зоз пригодну програму привитали рок древеного гада. Школяре хтори факултативно виучую китайски язик упознали публику зоз обичаями преслави Нового року у Китаю, а школяре шестих класох одшпивали найпознатшу китайску писню пошвецену Новому року. Публика мала нагоду чуц и китайску рецитацию у виводзеню наших школярох, а потим лекторе Конфуцийового институту представели як ше приготовює чай и правя украси за Нови рок. После законченя програми присутни мали нагоду ше опробовац у бавеню традицийних китайских бавискох.