Нєшка у голу нашей школи означени Шветови дзень поживи. Шицки школяре мали нагоду коштовац традиционални и сучасни єдла. Акцент активносци бул на освидомйованю школярох о здравим способу костираня. Школяре IV1 оддзелєня зоз свою оддзелєньску старшину, Терезу Катона, порихтали кето бомбочки, шопску шалату и капущанїки, а школяре III1 и II1 оддзелєня и професорка Мая Брекайло, зоз помоцу школярох и наставнїци Єлени Шомодї, хтори були уключени до проєкту „Нїч нє чежко“, стари руски єдла, ґоргелї и череґи. Тиж так, педаґоґa Любица Няради зоз школярами хтори пребуваю у интернату приготовели кекси на машинки, док наставїци Златица Малацко, Каролина Джуджар и Ясминка Надь зоз школярами VIII класох у сотрудїцтве зоз Еко наставнїцами уварели чаї. Педаґоґа нашей школи, Марина Дудаш, порихтала рецепти у хторих бул акцент на хаснованю здравих поживових состойкох. Активносц реализована у обидвох зменох зоз потримовку цалого колективу и подприємства „Юарбис“ хторе донирало яблука.