Успишне сотруднїцтво зоз родичами реализоване прешлого тижня у Iб и IIIб оддзелєню. Биляна Рамач, мац двох школяркох зоз тих оддзелєньох, 2. и 3. децембра орґанизовала роботнї правеня патулькох зоз рижних материялох за рециклованє (стари ботоши, плаценка, остатки волни…). Так дзеци, дзекуюци креативней мами, од старого материялу направели себе нови бависка и украси, а єдна часц виробених патулькох будзе виложена и на гуманитарним вашаре хтори традицийно будзе орґанизовани у нашей школи, концом першого полрочя. Зоз тоту активносцу дзецом нє обогацени лєм швет мриї и бависка, алє и унапредзена їх еколоґийна и гуманитарна свидомосц.