Управа школи „Петро Кузмяк“ у Руским Керестуре ма спознанє же у фейсбук ґрупи „Куљани и наш град“ зоз профила под меном „Milos Krivokuca“ 26. 9. 2022. коло 10 годзин обявени нєточни информациї о вимаганю списка занятих наставнїкох и їх здобутих поволаньох з боку Милоша Кривокучи, подписаного як одборнїк ґрупи гражданох „Куљани и наш град“.

Вимога послата нєдзелю 11. 9. 2022. на 23.15. годзин на урядови имейл школи, же би урядово була прията пондзелок 12. 9. 2022. шлїдуюцого роботного дня, цо нє одвитує наводзеню часовей дистанци о посиланю вимоги од три тижнї у хвильки обявйованя поста.

Тиж так, спомнутому општинскому одборнїкови на вимогу одвитоване у складзе зоз членом 16. став 1. закона о шлєбодним приступу информацийох од явного значеня (Службени глашнїк РС 120/04, 54/07, 104/09, 36/10, 105/721).

Нєточна обява виволала знємиреносц занятих, родичох и локалней заєднїци, прето же ше нєоправдано губи угляд школи, так же управа школи превежнє законски крочаї у цилю защити угляду установи и чуваня приватносци занятих.