Школяре котри були на фаховей пракси у Солуну подзелєли свойо знаня, упечатки и дожица зоз парняками през заєднїцки проєкт „Солун през очи туристичних технїчарох“ на годзинох практичней настави.

През тимску роботу, презентациї, описи роботи у готелских службох, упечатки зоз вилєтох и креативни содержаї, пренєсли часц атмосфери, виволаньох и красоти роботи у медзинародним окруженю.

Зоз своїм анґажованьом инспировали школярох котрих ище обчекує пракса.

Знанє найвецей вредзи кед ше подзелї!