„Клуб рецитаторох” нашей школи, 21. априла 2021., у школским голу, отримал програму за школярох нїзших класох, їх учительки, управу школи и шицких заинтересованих, a присутни бул и предсидатель Националного совиту Борислав Сакач. На програми презентована робота „Клуба рецитаторох” як єдна часц проєкта за хтори школа достала средства прейґ Фонду за таланти, Покраїнского секретарияту за спорт и младих. У „Клубу” активно робели 19 школяре нїзших класох, хтори зоз своїма рецитациями и наступели на програми. Рецитаторе зоз другей класи були: Катарина Дудаш, Николина Олеар, София Чуни, Стефан Новакович, Милена Рамач, Аня Сендерак, Николина Гарди и Адрияна Штранґар. Рецитаторе зоз трецей класи хтори наступели на програми то: Надя Горняк, Андрей Пашо, Лена Зелич, Никола Петкович и Доротеа Рамач. Штварту класу представели: Мая Надь, Кристина Сопка , София Симунович, Урош Плавшич, Патрик Варґа и Исак Новта. Програму водзели успишни рецитаторе зоз висших класох: Яна Варґа, Ема Живкович и Иван Планчак, хтори тиж обогацели програму зоз своїма рецитаторскима схопносцами. Рецитаторох за наступ порихтала Наталия Зазуляк, а технїчна потримовка у реализациї програми була помоцнїца директора, Лїляна Фина.