Будуци матуранти ТГТ напряму у рамику професионалней пракси нащивели локални вирски обєкти.
Школяре III року напряму туристично-готелиєрски технїчар тематику „Орґанизованє явних сходох” обробели у сотруднїцтве зоз Парохию св. о. Николая Катедралного храму у Руским Керестуре.
⁣⁣Священїк Михайло Шанта упознал школярох зоз податками зоз прешлосци керстурскей парохиї, файтами явних вирских сходох, орґанизаторами, учашнїками, жридлами финансованьох, цильовима ґрупами и виходами.
Школяре потим нащивели Медзинародне святилїще „Водица” зоз котрим їх упознал парох о. Владислав Варґа.
Школярох окреме интересовала орґанизация младежских лєтнїх кампох, понеже достали задаток же би самостойно орґанизовали вирски сход на тему „Духовносц при младих”.