👫Школяре першей и другей класи штреднєй школи и ґимназиї участвовали од 9. по 13. марец у школярскей черанки у рамику проєкта „Спорт за шицких“. У проєкту учествовали дванац школяре котри пребували у📍 Радовишу у Сиверней Македониї, дзе их вигосцели школяре и наставнїки штреднєй школи „Коста Сусинов“. Школярох на черанки провадзела директорка школи Наталия Будински и професорка физичного воспитаня Соня Чапко.

🤸🏐 На тродньовей програми школяре през розлични спортски активносци и роботнї мали нагоду упознац ше зоз своїма парняками, почерац искуства и розвиц тимски дух и сотруднїцтво. Окремна часц програми була пошвецена особному розвою, ришованю конфликтох и розгварками зоз професионалцами.

Школяром орґанизовани и приєм при городоначалнїкови Радовишу, а кед нащивели Струмицу мали нагоду побешедовац зоз професионалну одбойкашку Елену Пандову. Проєкт потримани з боку Regional Youth Cooperation Office (RYCO) за Заходни Балкан и GIZ – Нємецкей орґанизациї за медзинародне сотруднїцтво. После успешней черанки, у априлу вигосциме школярох зоз Радовишу.✅