👫🚘Школяре осмей класи Основней школи „Петро Кузмяк” з Руского Керестура, внєдзелю 12. априла, допутовали зоз📍 Земплинских Теплицох, зоз Републики Словацкей, дзе пребували на дводньовей екскурзиї хтору орґанизовал Национални совит Руснацох (НСР), односно його Одбор за образованє.

🧑‍🏫Традицийни одход до Словацкей реализовани по дзевятираз, а двацецеро школяре ишли зоз свою наставнїцу Каролину Джуджар.

🗺️🏡През тоти два днї, школяре нащивели городи Кошице и Бардейов и їх найвизначнєйши културни, историйни, та и науково знаменїтосци, а у шлєбодним чаше, школяре ше дружели зоз своїма парняками. З тей нагоди, домашнї за нїх пририхтали рижни змагательни активносци, а керестурски школяре домашнїх учели нашо традицийни танци.