На Новосадским сайму од 24. по 26. марец 2021. року отримани онлайн 16. Саям образованя „Драгокази” реализовани у условийох пандемиї.

Основна и штредня школа зоз домом школярох „Петро Кузмяк” участвовала на Сайму образованя „Драгокази” под покровительством Автономней Покраїни Войводини.

На Сайму „Драгокази” штредньошколци и студенти могли опатриц презентацию 70 воспитно-образовних иституцийох зоз Сербиї и Републики Сербскей. Медзи тима презентациями була и презентация керестурскей Основней и штреднєй школи зоз домом школярох „Петро Кузмяк” котру пририхтала помоцнїк директора Лїляна Фина.

На Сайму образованя участвовали зме и у катеґориї Оценьованє квалитету роботи воспитно-образовних институцийох зоз пририхтану павер-поинт презентацию котру одробела педаґоґиня Любица Няради.

Пред даскельома днями зме обцвисцени же зме достали на оценьованю квалитета роботи школи диплому Новосадского сайму зоз златну медалю котра нєшка прейґ пошти сцигла до школи.