У Дому школярох вовторок отримана роботня: Як ме други видза?, чий циль бул же би ше школяре упознали зоз способами на хтори ше формує слика о власней личносци у периодзе адолесценциї. Кажди школяр требало же би ше здогаднул двох битних особох у своїм живоце и написал як го кажда од нїх видзи, тє. як би го описали. Потим зме дискутовали о тим кельо ше слики котру маю о себе и котру други особи маю о нїх поклапаю, як ше чувствую и цо робя кед ше тоти слики нє поклапаю и котри стратеґиї хасную же би превозишли нєсклади котри ше можу зявиц, зоз цильом же би похопели значносц котри склад тих двох сликох маю за дожице власних вредносцох. Школяре на самим початку мали записац на паперик єдну свою прикмету котру любя и почитую, а други ю ридко замерковюю, а потим тоти прикмети у закончуюцей активносци вицаговали и през пантомиму пробовали представиц другим.