ПЕРШЕ СТРЕТНУЦЕ У РАМИКОХ ПРОЄКТУ КАРПАТСКИ ПАРАЛЕЛИ
У Вершцу 3. и 4. децембра отримане перше стренуце младих у рамикох проєкту Карпатски паралели котри реализує Завод за културу войводянских Руснацох.

Учашнїки проєкта Карпатски паралели, котри потримала Фондация за отворене друштво, школяре Ґимназиї Петро Кузмяк зоз Руского Керестура, Ґимназиї и економскей школи Светозар Милетич зоз Србобрану, Ґимназиї Михайло Пупин зоз Ковачици и Ґимназиї Борислав Петрович Браца зоз Вершцу. У проєкту участвую двацецеро млади рускей, сербскей, словацкей и румунскей националней заєднїци. Вони през друженє на трох стренуцох буду глєдац заєднїцки елементи котри формовали културу сербскей, рускей, словацкей и румунскей заєднїици у остатнїх скоро трох викох їх присуства и живота на просторе терашнєй Войводини.Тот заєднїцки елемент то барок нє лєм як уметнїцки напрям алє и як култура живота котра уплївовала и на терашнї часи.

Проєкт Карпатски паралели почал у септембру 2016. и будзе тривац по 30. април 2017. року. У рамикох його реализациї попри отриманог остретнуца у Вершцу буду и стретнуца у Ковачици и Руским Керестуре.