Проєкт „Безпечно на мрежи“ котри потримує Покраїнски секретарият за образованє, прописи, управу и национални меншини-национални заєднїци успишно реализовани у тим полрочю.

Од кеди ше настава пре ґлобалну пандемию у велькей мири реализовала онлайн, звекшала ше комуникация котра ше одбува у диґиталним окруженю, як на релациї школяр-наставнїк так и на релациї школяр-школяр. То приноши нови виволаня у комуникациї, а окреме у сфери защити од нєжаданих ситуацийох и опасней комуникациї. Тот проєкт доприноши превентивному дїлованю и зменшованю нєжаданих ситуацийох у онлайн окруженю. Под час проєкта реализовани роботнї виробку промотивних плакатох котри школяром даю основни информациї як буц безпечни на мрежи.

Школяре мали роботню о превенциї, зопераню и реаґованю на онлайн насилство. Роботня реализована у сотруднїцтве зоз Изабелу Рашкович, совитнїком вонкашнїм сотруднїком за насилство у Школскей управи Зомбор.

У нашей школи 24. новембра 2023. орґанизоване закончуюце збуванє пороєкта „Безпечни на мрежи”.

Закончуюце збуванє коло себе позберало коло сто школярох зоз нашей школи, алє зме мали чесц же нам пришли и госци зоз других школох. Школски тими презентовали важни теми у вязи безпечносци на интернету, так же зме мали нагоди дознац як ше треба спаравовац на интернету, як най обкеруєме нєжадани ситуациї, алє и кому най ше обрациме кед маме проблем або нас дахто знємирює на интернету. Сход бул змагательни, так же жири оценьовал презентациї.

Гоч шицки презентациї були успишни, змистово и по креативносци, побиду вжал тим зоз школи „Петефи бриґада” зоз Кули котру творели Патриция Войчена и Милица Рупич. Участвовали шейсц тими.