Представа „Виволам ци тайну”, зоз тему еколоґиї, виведзена у школским голу, 17.06. за школярох нїзших класох и 18.06. за школярох пиятей и шестей класи. Представу режирала и пририхтала учителька Ксения Бодянец зоз своїма школярами зоз 4.а оддзелєня, хтори ю успишно виведли зоз помоцу товаришкох зоз трецей класи. У реализациї представи участвовали шицки учительки, як и наставнїк Музичней школи, Мирко Преґун. Представа реализована як часц еколоґийних проєктох хтори витворює наша школа, так же и уходнїци за ню були затички з пластичних фляшох.