Предшколска воспитна ґрупа „Пчолки» зоз своїма воспитачками, Наташу Настасич и Наташу Варґа нащивели школярох трецей класи. Дзеци ше вєдно дружели, бавели, рисовали и шпивали и так потвердзели мото тогорочного Дзецинского тижня.
На креативну роботню ишло друженє, бавенє и творчосц. Кажде дзецко, задумуюци свою учительку, направело єй идейни стайлинґ по своїм смаку з хаснованьом материялох з пластики и текстилу. Удатни роботи допринєсли же би ище єден дзень у дзецинским тижню нє прешол без упечатку.
Тиж так, тих дньох активно и у штвартих класох — єст часу и за спортски активносци, а треци класи гуторя и о Мостох медзи ґенерациями.