Обвисцуєме Вас же пре позарядови стан котри уведол Предсидатель Републики Сeрбиї Основна и штредня школа зоз домом за шлолярох „Петро Кузмяк“ орґанизовала ученє прейґ рахункара за своїх школярох.

Ученє прейґ рахункара спрам Одлуки Министерства просвити, науки и технолоґийного  розвою орґанизоване на шлїдуюци способ:

1. Школяре основней школи: ТВ змисти котри ше емитую на програму РТВ2 РТС2 и РТС3. (rasporednastave.gov.rs)
2. Школяяре штреднєй школи: наставни материяли на платформи РТС Планета (общтеобразовни и фахови предмети)
3. У рамикох ученя прейґ рахункара, Школа прешлого тижня организовала виртуални учальнї за шицки предмети прейґ онлайн платформи Гугл учальня (Google Classroom) з помоцу котрих шицки наставнїки буду давац додатну потримовку школяром у виду наставних материялох и задатакох котри буду служиц за провадзенє напредованя школяра. Спрам препоруки Министерства у першей фази ученя прейґ рахункара оценьованє будзе формативне (зазберованє податакох о активносцох и виробку задатакох).  О шлїдуюцих препорукох Министерства родичи и школяре буду на час обвисцени.

Потримовка школяром з помоцу Гугл учальнї будзе реализована на шлїдуюци способ:

Наставнїкове по порядним розпорядку Школи рано на 8.00 годзин буду квачиц материяли, толкованя и задатки, меркуюци о тижньовей оптерхованосци школярох, а зоз предметним наставнїком ше будзе радзиц коло термину за придаванє роботи и консултациї.

Комуникация зоз наставнїками и оддзелєнским старшинами ше може окончовац и прег Вибер ґрупи у порадзеним термину.

Школа ше задзекує родичом  на порозуменю и сцерпезлївосци при организациї ученя прейґ рахункара. У цилю зопераня ширеня коронавирусу апелуєме на школярох най останю дома и най ше притримую препорукох надлежних службох. Жадаме шицким добре здравє!

З почитованьом,

Управа Школи