У Кули, на лядовей площи, 08.01.2020. року почала школа корчоляня. Починало ше на 10,00 годзин, а завершовало на 12,00 годзин. Було два ґрупи. Тоти школяре цо першираз обули корчолї, и у другей ґрупи тоти цо уж мали даяке искуство на ляду. Школа почала 17.01.2020., през котру прешли 50 школяре рижного возросту, од 4 рокох по штредню школу, а и старши (участвовали и школяре нашей школи). Навиячох було вельо, и зоз Кули и зоз Керестура. Зоз нашей школи були коло 40 школяре. Тиж були и тренинґи у гокею на ляду, котри ше отримую и тераз од 21,00 — 22,00. На гокею углавном нашо дзеци зоз Руского Керестура, а и старши котри залюбени до того спорту.

Отримане и змаганє зоз ,,Алиґаторами,, Зомбор и екипу гокеяшох ,,Русина,, (дзе члени и нашо школяре), дзе нашо хлапци достали змаганє зоз резултатом 9:4. Навиячох було  зоз нашей школи (коло 40) гоч було досц жимно. Екипу водзели наставнїк Славко Пап и Синиша Ковачевич, а обуку корчоляня наставнїк Славко Пап.