Прешлого тижня, у нашей Школи означена нєдзеля здогадованя и заєднїцства. З тей нагоди, школяре трецих и штвартих класох, вєдно зоз своїма учительками и учительом ше орґанизовали и препровадзели час – вєдно. Вєдно зме кажди дзень, алє, нєшка, тото слово – вєдно ище баржей наглашуєме и визначуєме. На початку активносци, одслухана и шпивана писня „Товаришство“, през котру спомнуте слово и визначене же „…вєдно зме и лєпши и моцнєйши“. Понєже того дня падал диждж, за заєднїцке бавенє на дворе и фодбал нє було можлївосци, час препровадзени у патреню рисованого филма у котрим шицки уживали на тему приятельства, любови, красних одношеньох єдних ґу другим.