Нєдзелю 9.5.2021. року у штреднєй медицинскей школи „Др Ружица Рип” у Зомборе отримане Окружне змаганє зоз страних язикох за школярох штреднїх школох заходнобачкого округу. За школярох штреднєй школи „Перто Кузмяк” у Руским Керестуру прешли викенд бул барз успишни кед у питаню змаганє з английского и нємецкого. На змаганю з английского язика, школяр штвартей класи ґимназиї, Страхиня Булатович, освоєл 34 боди, завжал треце место и пласовал ше на Републичне змаганє. На змаганю зоз английского язика присуствовала и школярка зоз штвартей класи ґимназиї, Ивана Баїич, хтора освоєла 30 боди, алє ше нє пласовала на дальше змаганє. На змаганю з нємецкого язика, школярка штвартей класи ґимназиї, Наташа Кутни освоєла 36 боди, завжала друге место и пласовала ше на Републичне змаганє.