🎓Никша Йоксович, матурант и ношитель Вуковей дипломи, ґимназиї Петро Кузмяк у Руским Керестуре.Родзени є 4. януара 2008. року у Новим Садзе. Основну школу Петефи бриґада закончує як школяр ґенерациї, после чого школованє предлужує у Ґимназиї Петро Кузмяк у Руским Керестуре, дзе дополнює свойо знаня, розвива роботни звикнуца и здобува нови искуства.

Окреме го интересую дружтвени науки, право и питаня котри ше одноша на функционованє дружтва и правней системи. Прето планує уписац ше на Правни факултет у Новим Садзе, дзе би предлужел свойо образованє и усовершованє своїх способносцох и пририхтал ше за будуцу професионалну кариєру.

Под час школованя намагал ше буц одвичательни, вредни и пощвецени школяр, як и же би активно участвовал у розличних наставних и звонканаставних активносцох. Вери же упартосц, дисциплина и континуоване усовершованє ключни за витворйованє особних и професийних цильох.

Кед ма шлєбодни час люби тренирац прето же трима же спорт доприноши здравому способу живота, розвива тимски дух и витирвалосц. Тиж, дзечнє препровадзує час зоз товаришами и фамелию, дружи ше и участвує у рижних активносцох котри го виполнюю и доприноша особному розвою.

„Мой циль же бим предлужел укладац до свойого образованя, здобувал нови знаня и искуства, же бим зоз свою роботу и закладаньом витворел успих у будуцим професионалним и приватним живоце.”👏