Прeшлого тижня наша школа була домашня науковому сходу „OMICS авантура през уровнї клїтинковей орґанизациї“, за наставнїкох биолоґиї и шицким котри зоз страсцу любя науку!

Була то одлична нагода за умрежованє и черанку искуствох медзи нашима наставнїками и колеґами зоз Кули и Коцура.

През интерактивни преподаваня и практични приклади, учашнїки виглєдали структуру и функцию клїтинкох, здобули практичне искуство у толкованю сликох достатих зоз електронску микроскопию и лєпше розумели зложени орґанизацию клїтинкох.

Обуку отримали EMBL амбасадорки за наставнїкох Тамара Ристич (професорка биохемиї у Медицинскей школи у Панчеве) и Наталия Будински (директорка школи „Петро Кузмяк“).

Шицки учашнїки достали образовни материяли зоз обласци клїтинковей биолоґиї, як и сертификати.