🔸У рамикох сотруднїцтва школи и родичох (котре и вецей од того) нащивели зме фамелийне подприємство „Еделински“ – рибалов нашого товариша Марка зоз оддзелєня. Сердечно зме привитани и мали зме нагоду чуц интересантну приповедку о живоце на рибалову: єдна окремна екосистема у котрей шицко ма свойо место – од малей лїчинки до одроснутей риби.🐠🐟

Видзели зме як випатра карменє рибох, упознали планктон як окремну часц рибового прекармйованя, а ширцом побережя мали нагоду припатрац ше на птици котри населюю тото подручє.🦆 Воженє коло рибалова була права мини екскурзия.

За школярох IV класи бул то окремни дзень – виполнєти з приповеданьом, ошмихами и друженьом. Як ше приблїжує конєц школского рокu и одход од учителя до пиятей класи, тота нащива и друженє була красна нагода за заєднїцки хвильки котри длуго останю у паметаню.🧡