🏫Нащива Сайма образованя „Путокази“ у Новим Садзе

🧑‍🎓Матуранти нашей школи, ґимназиялци и туристични технїчаре, мали нагоду же би ше на Сайме образованя упознали зоз богатим понуканьом програмох факултетох, високих школох и розличних образовних програмох, як и же би достали хасновити информациї о дальшим школованю и розвою кариєри.

🧑‍🏫Нащива реализована у рамику роботи Тима за кариєрне водзенє и совитованє, а школярох водзели професорки Тат’яна Бучко Рац и Аника Войчена, координатор тиму.През бешеду зоз представителями образовних институцийох и черанки упечаткох, школяре указали вельке интересованє, поставяли питаня и активно участвовали у виглєдованю своїх можлївосцох.

🟠Упечатки школярох:

— „Саям ми помогнул же бим лєпше спатрел свойо опциї и принєсол сиґурнєйшу одлуку.“

— „Найбаржей ми ше пачело же сом могла директно бешедовац зоз студентами и професорами.“

-„Тераз мам яснєйшу слику цо жадам уписац.“

Цешиме ше же вєдно будуєме драги будучносци за наших школярох и порушуєме их най самостойнє и одвичательно планую свою кариєру.😊