У рамику Еразмус+ проєкту „Отримуюци розвой” зоз школярами зоз Шведскей нащивели зме польопривредне ґаздовство Новакович и рибалов Еделински у Руским Керестуре. 

Школяром у нащиви приказане як функционує отримуюца поверхносц под паприґу и даєдни од принципох пермакултури, а тиж могли сами оберац паприґу. У нащиви рибалову, научели як функционує продукция риби, дознали вецей о екосистеми и животиньских файтох. 

Дзекуєме ґаздовству Новакович и фамелиї Еделински на госцопримстве и даваню позитивних прикладох сотруднїцтва медзи школу, родичами и локалну заєднїцу.