Kузмяковци напряма туристични технїчар, у рамику практичней настави, нащивели єдну од найважнєйших туристичних манифестацийох у Сербиї — 47. Медзинародни саям туризма у Беоґрадзе.

Тота подїя зоз слоґаном „Єдно путованє, тисяч приповедки“ дала нагоду нашим школяром же би виглєдали числени туристични аґенциї и орґанизациї, готели, туристични центри, превознїкох и медзинародни туроператорох. Зоз тим повязали теорию и праксу звонка учальнї.

Нащивело ше и Храм святого Сави, хтори єден од найвекших православних храмох. Дзекуюци фаховому водзеню, школяре дознали вецей о тим велїчезним вирским обєкту хтори подзвигнути на памят народному учительови и просвитительови.