Школяре штвартей класи ОШ „Петро Кузмяк” 7. юния нащивели зомборску млєкару „Сомболед”.

Нащива реализована у рамикох сотруднїцтва зоз родичами на поволанку родителя Деяна Сопкового, хтори заняти у тей млєкари.

Школяре обишли млєкару, упознали ше зоз процесом продукциї млєчних продуктох, погосцели ше зоз продуктами тей млєкари и достали красни дарунки.

Окрем млєкари, школяре зоз учительку обишли центер города, Городску хижу и побавели ше у городским парку.

Нащива реализована и зоз помоцу родичох хтори на своїх превозкох одвезли школярох.