„СТАРИ ВИК И ЦАЛИ ЧИСЛА“ назва проєкту хтори школяре VIa и VIб оддзелєня реализовали у дзецинским тижню, пияток 09. октобра. Циль проєкту бул представиц подїї хтори ше случели у старим вику на линиї часу, записуюци роки як неґативни числа.

Школяре були подзелєни до ґрупох и требали позберац податки на тему зоз старого вику: освойованя Александра Велького, греческо-персийски войни, пунски войни, „Коцка руцена″-Юлиє Цезар, наставнє римского царства. Кажда ґрупа представела податки на часовей линиї, так же роки хтори ше случели пред нови еру записовали зоз неґативнима цалима числами.

Роботи представели своїм товаришом и на таки способ утвердзели свойо знанє зоз историї старого вику и увежбали представянє неґативних цалих числох.