🎓Лара Сопка, матуранткиня и ношитель Вуковей дипломи, ґимназиї Петро Кузмяк у Руским Керестуре.

Всестрана и пошвецена рижним активносцом одмалючка. Грає клавир и ґитару, и длуго роки танцовала у фолклоре, а дзень єй нє може прейсц без музики. После змаганьох зоз физики, хемиї и биолоґиї у основней школи и у шредней школи предлужує ше любов ґу природним науком.

Попри ученя, свой шлєбодни час пошвецує любеним гобийом и велькей любови ґу животиньом, а окреме псом и коньом, а ужиток єй занїмац ше зоз конїцким спортом. Активни є учашнїк велїх активносцох и школских проєктох, медзи хторима визначує путованя котри єй оможлївюю усовершиц анґлийски и нємецки язик. Участвовала вецей раз у Еразмус+ програмох – путованьох до Швайцарскей и Италиї, хтори за ню вельки позитивни искуства, хтори єй допринєсли же би преширела видогляд, упознала нови народи, їх културу и язик. Трима же путованя и школярски черанки барз значни за младих у цилю будованя особносци, моцнєня толеранциї и розуменя розличносци, же би швет постал лєпше место за шицких. 👏