Як часц преслави Дзецинского тижня , у основней школи „Петро Кузмяк“, 5.10.2016. року отримани квиз Забавна математика.

Змагали ше школяре трецих и штвартих класох основних школох „Братство єдинство“ зоз Коцура и „Петро Кузмяк“ зоз Руского Керестура. Квиз порихтала професорка математики Леона Сабо, зоз школярами першей класи ґимназиї- Будински Терезу, Буила Марком, Мармила Сару и Юрич Ґораном.

Циль квиза нє бул лєм ришованє математичних проблемох , алє и пестованє товаришства, тимскей роботи и фер борби.

Победзела екипа зоз Руского Керестура. Алє важнєйше од побиди же ше дзеци бавели и указали же математика може буц забавна .