Приємни ярнї днї школяре пошвецели заєднїцкому путованю, друженю и упознаваню нових предїлох. Провадзели их професорки Ґачеша Драґана и Зорич Рената, зоз фаховим водзеньом и у орґанизациї реґионалней туристичней аґенциї.

У Венециї, Кралїци Ядрану, мали нагоду видзиц главни знаменїтосци того городу — церкву и площу Святого Марка, Дуждову палату и Мост здихованя, мост Риалто, базилику Santa Maria della Salute, Ґранд канал и други, як и почувствовац окремни дух и шарм главного городу дакедишнєй Млєтацкей републики.

Шарм городу любови, Верони, школяре почувствовали так же ше шпацирали по єй узких, цифрованих улїцох, преполнєтих зоз историю и любову… Од Арени, котра ше ту находзи уж коло два милениюми, до Юлийовей хижи котра дочарює Шекспирово дїло, зоз обовязним италиянским сладолядом.